Anjana Devi: అంజనీపుత్రుడి మాతృప్రేమ: అమ్మ పుట్టినరోజున మెగాస్టార్ చిరంజీవి భావోద్వేగ పోస్ట్

Anjana Devi: మెగాస్టార్ చిరంజీవి తన తల్లి అంజనా దేవి పుట్టినరోజును పురస్కరించుకుని గురువారం (జనవరి 29) సోషల్ మీడియా వేదికగా హృదయపూర్వక శుభాకాంక్షలు తెలిపారు. షూటింగ్‌లతో ఎంత బిజీగా ఉన్నప్పటికీ, కుటుంబ విలువలకి ప్రాధాన్యత ఇచ్చే చిరంజీవి, తన విజయాల వెనుక ఉన్న అసలైన శక్తి తన తల్లేనని మరోసారి చాటి చెప్పారు. తన తల్లికి శుభాకాంక్షలు తెలుపుతూ ఆయన షేర్ చేసిన ఒక ప్రత్యేక వీడియో ఇప్పుడు నెట్టింట వైరల్ అవుతోంది.

Anjana Devi: “నీ ఆశీర్వాదమే నా బలం”

తల్లి అంజనా దేవి పుట్టినరోజు సందర్భంగా చిరంజీవి తన ఎక్స్ (ట్విట్టర్) ఖాతాలో స్పందిస్తూ.. “అమ్మా.. నీ ఆశీర్వాదమే నా బలం. నీకు పుట్టినరోజు శుభాకాంక్షలు” అంటూ ఎమోషనల్ అయ్యారు. ఈ సందేశంతో పాటు మెగా కుటుంబ సభ్యులందరితో కలిసి అంజనమ్మ గడిపిన అరుదైన క్షణాలు, పాత జ్ఞాపకాలు మరియు కుటుంబ వేడుకల్లోని ఫోటోలతో కూడిన ఒక వీడియోను ఆయన అభిమానులతో పంచుకున్నారు.

ఈ వీడియోలో చిరంజీవి, నాగబాబు, పవన్ కళ్యాణ్‌లతో పాటు మెగా వారసులు కూడా అంజనమ్మతో గడుపుతున్న మధుర దృశ్యాలు ఉన్నాయి. ఇది చూసిన మెగా అభిమానులు “మెగా ఫ్యామిలీకి పునాది అంజనమ్మ” అంటూ కామెంట్లతో ఆమెకు శుభాకాంక్షలు వెల్లువలా కురిపిస్తున్నారు.

తల్లి నుంచి నేర్చుకున్న క్రమశిక్షణ

Anjana Devi: చిరంజీవి పలు ఇంటర్వ్యూలలో తన తల్లి గురించి ప్రస్తావిస్తూ గొప్పగా చెబుతుంటారు. ఢిల్లీకి రాజైనా తల్లికి కొడుకే అన్న సామెతను ఆయన అక్షరాలా పాటిస్తారు. ఒక సామాన్య కుటుంబం నుంచి వచ్చి మెగాస్టార్‌గా ఎదిగే క్రమంలో తన తల్లి నేర్పిన క్రమశిక్షణ, ఓర్పు, సహనమే తనను ఈ స్థాయిలో నిలబెట్టాయని ఆయన నమ్ముతారు.

గతేడాది కూడా అంజనా దేవి పుట్టినరోజు వేడుకలను మెగా కుటుంబం ఎంతో ఘనంగా నిర్వహించింది. ముఖ్యంగా తల్లికి ఏదైనా చిన్న అనారోగ్యం చేసినా చిరంజీవి స్వయంగా దగ్గరుండి చూసుకుంటారు. షూటింగ్ విరామాల్లోనూ ఇంటికి వెళ్లగానే ముందుగా తల్లి ఆశీర్వాదం తీసుకోవడం ఆయనకు అలవాటు.

మెగా కుటుంబానికి పెద్ద దిక్కు

కేవలం చిరంజీవికే కాకుండా, నాగబాబు,పవన్ కళ్యాణ్‌లకు కూడా అంజనా దేవి అంటే ఎనలేని గౌరవం. మెగా పవర్ స్టార్ రామ్ చరణ్, వరుణ్ తేజ్, సాయి ధరమ్ తేజ్ వంటి యువ హీరోలు సైతం తమ నానమ్మ ఆశీస్సులకే తొలి ప్రాధాన్యత ఇస్తారు. మెగా కుటుంబం ఇంత ఐకమత్యంగా ఉండటానికి అంజనమ్మే ప్రధాన కారణమని సినీ వర్గాలు అంటుంటాయి.

అమ్మా ❤️
నీ ఆశీర్వాదమే నా బలం.

పుట్టినరోజు శుభాకాంక్షలు 🙏💐 pic.twitter.com/5cyGDMAhDw

— Chiranjeevi Konidela (@KChiruTweets) January 29, 2026