Solar Eclipse 2026: ఖగోళ ప్రియులకు ఫిబ్రవరి నెల ఒక అరుదైన కానుకను అందించబోతోంది. ఈ ఏడాది మొదటి సూర్యగ్రహణం ఫిబ్రవరి 17, 2026న సంభవించనుంది. చంద్రుడు సూర్యుడికి, భూమికి మధ్యగా వచ్చినప్పుడు సూర్యబింబం ఒక ప్రకాశవంతమైన ఉంగరంలా కనిపించే ఈ అరుదైన దృశ్యాన్ని కంకణాకార సూర్యగ్రహణం (Annular Solar Eclipse) అని పిలుస్తారు. దీనినే శాస్త్రవేత్తలు ‘రింగ్ ఆఫ్ ఫైర్’ అని కూడా వ్యవహరిస్తారు.
గ్రహణం ఎప్పుడు ప్రారంభమవుతుంది?
భారత కాలమానం ప్రకారం, ఈ గ్రహణం ఫిబ్రవరి 17వ తేదీ మధ్యాహ్నం 3:26 గంటలకు ప్రారంభమై రాత్రి 7:57 గంటల వరకు కొనసాగుతుంది. మొత్తం 4 గంటల 32 నిమిషాల పాటు సాగే ఈ ఖగోళ ప్రక్రియలో అత్యంత కీలకమైన ‘అగ్ని వలయం’ సాయంత్రం 5:42 గంటల సమయంలో సుమారు 2 నిమిషాల 20 సెకన్ల పాటు కనిపిస్తుంది. ఈ సమయంలో సూర్యుడి మధ్య భాగాన్ని చంద్రుడు కప్పివేయగా, అంచులు మాత్రం ధగధగలాడుతూ కనిపిస్తాయి.
Solar Eclipse 2026: భారత్లో కనిపిస్తుందా?
ఖగోళ శాస్త్రవేత్తల సమాచారం ప్రకారం, ఈ అద్భుత దృశ్యం భారతీయులకు నేరుగా వీక్షించే అవకాశం లేదు. ఈ Surya Grahanam 2026 ప్రధానంగా అంటార్కిటికా ఖండం మీదుగా కనిపిస్తుంది. అలాగే దక్షిణ అమెరికాలోని చిలీ, అర్జెంటీనా మరియు ఆఫ్రికాలోని కొన్ని దక్షిణ ప్రాంతాల్లో పాక్షికంగా కనిపిస్తుంది. మన దేశంలో ఈ గ్రహణం కనిపించదు కాబట్టి, ఎలాంటి సూతక కాలం లేదా మతపరమైన ఆంక్షలు పాటించాల్సిన అవసరం లేదని పండితులు స్పష్టం చేస్తున్నారు.
అగ్ని వలయం ఎలా ఏర్పడుతుంది?
Solar Eclipse 2026: సూర్యుడు, చంద్రుడు, భూమి ఒకే సరళరేఖపైకి వచ్చినప్పుడు సూర్యగ్రహణం ఏర్పడుతుంది. అయితే, ఈ సమయంలో చంద్రుడు భూమికి దూరంగా ఉండటం వల్ల (Apogee), సూర్యుడిని పూర్తిగా కప్పివేయలేడు. ఫలితంగా చంద్రబింబం సూర్యుడి మధ్యలో ఉండి, చుట్టూ వెలుగు వలయంలా మిగిలిపోతుంది. ఇదే మనకు ‘రింగ్ ఆఫ్ ఫైర్’ గా కనిపిస్తుంది. ఇది ఒక అరుదైన Solar eclipse దృశ్యమని శాస్త్రవేత్తలు చెబుతున్నారు.
Solar Eclipse 2026: ఆన్లైన్లో వీక్షించే అవకాశం
నేరుగా చూడలేని వారు నిరాశ చెందాల్సిన పనిలేదు. నాసా (NASA) వంటి అంతరిక్ష సంస్థలు తమ అధికారిక వెబ్సైట్ మరియు యూట్యూబ్ ఛానెళ్ల ద్వారా ఈ గ్రహణాన్ని ప్రత్యక్ష ప్రసారం చేయనున్నాయి. దీనివల్ల ప్రపంచంలో ఎక్కడున్నా సరే, మీ మొబైల్ లేదా కంప్యూటర్ ద్వారా ఈ నింగి అద్భుతాన్ని చూడొచ్చు.
