– ఉదయం 9:30 గంటలకు జాతీయ పతాకావిష్కరణ అందరూ ఆహ్వానితులే
– తాసిల్దార్ సతీష్ కుమార్
నారాయణపేట, సెప్టెంబర్ 16( జన ఉదయం ప్రతినిధి )
తెలంగాణ రాష్ట్ర ప్రభుత్వం సెప్టెంబర్ 17న ‘తెలంగాణ ప్రజా పరిపాలన దినోత్సవం’ను రాష్ట్రవ్యాప్తంగా అధికారికంగా నిర్వహిస్తోంది. ఈ సందర్భంగా మక్తల్ మండల కేంద్రంలోని తహసీల్దార్ కార్యాలయ ప్రాంగణంలో తేది 17/9/2026 (గురువారం) ఉదయం 9:30 గంటలకు ఘనంగా జాతీయ పతాక ఆవిష్కరణ కార్యక్రమం నిర్వహించనున్నట్లు మక్తల్ తహసీల్దార్ సతీష్ కుమార్ తెలిపారు.
ఈ కార్యక్రమానికి స్థానిక ప్రజాప్రతినిధులు, వివిధ శాఖల అధికారులు, ఉపాధ్యాయులు, విద్యార్థులు, పత్రికా మిత్రులు, ఎలక్ట్రానిక్ మీడియా ప్రతినిధులు మరియు ప్రజలు భారీ సంఖ్యలో హాజరుకావాలని తహసీల్దార్ సతీష్ కుమార్ కోరారు.
కార్యక్రమ వివరాలు…
తేదీ: 17 సెప్టెంబర్ 2026 (గురువారం)
సమయం: ఉదయం 9:30 గంటలు
వేదిక: తహసీల్దార్ కార్యాలయ ప్రాంగణం, మక్తల్
ప్రజా పరిపాలన దినోత్సవం నేపథ్యం
సెప్టెంబర్ 17న కేంద్ర ప్రభుత్వం ‘హైదరాబాద్ విమోచన దినోత్సవం’గా నిర్వహిస్తుండగా, తెలంగాణ రాష్ట్ర ప్రభుత్వం మూడో సంవత్సరంగా ‘తెలంగాణ ప్రజా పాలన దినోత్సవం’గా అధికారిక కార్యక్రమాలు నిర్వహిస్తోంది. రాష్ట్రవ్యాప్తంగా అన్ని జిల్లా కేంద్రాల్లో మంత్రులు, అధికారులు జాతీయ పతాకావిష్కరణ చేసి, ప్రజా సంక్షేమ కార్యక్రమాల ప్రారంభోత్సవాలు నిర్వహిస్తున్నారు.
1948 సెప్టెంబర్ 17న హైదరాబాద్ సంస్థానం భారత యూనియన్‌లో విలీనమైన చారిత్రక సందర్భాన్ని పురస్కరించుకుని, ప్రస్తుత ప్రభుత్వం ప్రజా పాలన, అభివృద్ధి కార్యక్రమాలపై దృష్టి సారించి ఈ దినోత్సవాన్ని నిర్వహిస్తోంది.
హాజరుకు విజ్ఞప్తి…
పత్రికా మిత్రులు, ఎలక్ట్రానిక్ మీడియా ప్రతినిధులు ఈ కార్యక్రమానికి హాజరై, ప్రజా పరిపాలన దినోత్సవ వేడుకలను ప్రజలకు విస్తృతంగా చేరవేయాలని తహసీల్దార్ సతీష్ కుమార్ విజ్ఞప్తి చేశారు.
